Հարավային Կորեայի նախագահը MERS կորոնավիրուսի պատճառով չեղարկել է այցն ԱՄՆ
Հարավային Կորեայի նախագահ Պակ Կըն Հեն չեղյալ է համարել հաջորդ շաբաթ ԱՄՆ կատարելիք այցը՝ Մերձարևելյան կորոնավիրուսի ռեսպիրատոր համախտանիշի (MERS) տարածման պատճառով:
Ինչպես տեղեկացնում է РИА Новости գործակալությունը, այսօր հայտնի է դարձել վարակման 13 նոր դեպքի մասին: Այդպիսով՝ Հարավային Կորեայում վարակվածների թիվը հասել է 108-ի: Մահացել է 9 մարդ:
Երեկ նախագահի աշխատակազմը հերքում էր այցը չեղյալ համարելու հավանականությունը:
Հարավային Կորեայում հիվանդության տարածման պատճառով փակվել է 2.200 դպրոց ու մանկապարտեզ: Ավելի քան 2.890 մարդ գտնվում է կարանտինի մեջ՝ տներում կամ բուժհաստատություններում, քանի որ շփվել են վարակակիրների հետ ու հայտնվել ռիսկային խմբում:










