Հունաստանում իր աշխատանքն է վերսկսել ճգնաժամի շրջանում փակված ERT պետական հեռուստաալիքը
Հունական պետական հեռուստառադիոընկերությունը վերսկսել է իր աշխատանքը տնտեսական ճգնաժամի պատճառով փակվելուց ուղիղ երկու տարի անց, հաղորդում է gazeta.ru-ն:
«Սա հատուկ օր է մեզ և բոլորի համար, ում համար թանկ է տեղեկատվության ազատությունը»,- հայտարարել են տեղեկատվական ալիքի հաղորդավարները:
Իր աշխատանքն է վերսկսել նաև «Հունաստանի ձայնը» արտասահմանյան ալիքը, մի քանի այլ հեռուստաալիք և ավելի քան 20 ռադիոկայան:
ERT պետական հեռուստաալիքը փակվել էր 2013 թվականի հունիսի 11-ին՝ ճգնաժամի պատճառով, աշխատանքից հեռացվել էր 3,5 հազար մարդ:










