ՖԻՖԱ-ին պատկանող համակարգիչների տվյալները փոխանցվել են Շվեյցարիայի դատախազությանը

12:47 • 11.06.15

ՖԻՖԱ-ին պատկանող համակարգիչների տվյալները փոխանցվել են Շվեյցարիայի դատախազությանը՝ 2018 և 2022 թվականներին աշխարհի առաջնություններ անցկացնելու համար Ռուսաստանի և Քաթարի հաղթական դիմումների հետաքննության նպատակով, հաղորդում է korrespondent.net-ը:

 

Տեղեկությունն առգրավվել է Ցյուրիխում կազմակերպության գրասենյակից: Բացառություն չի եղել նաև ՖԻՖԱ-ի դեռևս գործող նախագահ Զեպ Բլատերի գրասենյակը: Ստուգվել է նաև կազմակերպության գլխավոր քարտուղար Ջերոմ Վալկեի գրասենյակը:

 

Հիշեցնենք, որ ավելի վաղ հաղորդվել է, որ ՖԻՖԱ-ի մի քանի պաշտոնյա է ձերբակալվել Շվեյցարիայում կոռուպցիայի մեղադրանքով:

 

Մայիսի 29-ին հինգերորդ ժամկետով վերընտրվելուց հետո հունիսի 2-ին Զեպ Բլատերը մամուլի ասուլիսի ժամանակ հայտարարել է ՖԻՖԱ-ի նախագահի պաշտոնը լքելու մասին: