10 սննդամթերք, որ պետք է օգտագործել ամեն օր. խորհուրդ են տալիս սննդաբանները

Կանադացի սննդաբան Ռոզաննա Լին  Huffington Post-ին տված հարցազրույցում թվարկել է  առողջության համար ամենաօգտակար 10 սննդամթերքը, որը պետք առկա լինի ամենօրյա սննդակարգում:

Ինչպես հաղորդում է Корреспондент-ը` սննդաբանի խոսքով` ճիշտ սնվելու գաղտնիքը միջերկրածովյան, ճապոնական և ֆրանսիական սննդակարգերի համադրությունն է:

1. Կանաչ խաչածաղկավոր բանջարեղեն: Կաղամբի և բրոկոլիի օգտագործումը ամրապնդում է օրգանիզմը, բարձրացնում է դիմադրողականությունը և կանխում է տարիքային տեսողության վատացումը:

2. Հատապտուղներ: Հակաօքսիդանտներով հարուստ պարունակության շնորհիվ հատապտուղները ունակ են զգալիորեն դանդաղեցնել օրգանիզմի ծերացման գործընթացը:

3.  Սոյա և լոբի: Սպիտակուցների հիանալի աղբյուր` յուղի ցածր պարունակությամբ:

4. Ամբողջական ձավարեղեն: Նվազեցնում են քաղցկեղի և սիրտ-անոթային հիվանդությունների առաջացումը:

5. Բրինձ: Երկարակյաց մարդկանց սննդակարգում անփոփոխ տեղ ունի բրինձը:

6. Ձիթապտղի յուղ: Հիանալի փոխարինող արևածաղկի ձեթին: Այն միջերկրածովյան սննդակարգի մի մաս է կազմում:

7. Լոլիկ: Հում վիճակում ուտելուց բացի կարելի է օգտագործել նաև  մարինացված և տապակած վիճակում:

8. Ընկուզեղեն: Մի բուռ նուշը  կամ  ընկույզը օրվա ընթացքում կօգնի այն  մարդկանց, ովքեր ծանր ֆիզիկական աշխատանք են անում կամ ինտելեկտուալ ծանրաբեռնվածության են ենթարկվում:

9. Յուղոտ ձուկ:   Դրա պարունակության մեջ առկա օմեգա-3 ճարպաթթուները հիանալի միջոց են բորբոքումների դեմ:

10.  Սպիտակ և կանաչ թեյ: Այս ըմպելիքները պարունակում են ամենաօգտակար հակաօքսիդանտները: