ԱՄՆ-ի պետդեպը ժամանակավորապես դադարեցրել է վիզաների տրամադրումն ամբողջ աշխարհում

10:03 • 13.06.15

ԱՄՆ-ի պետդեպարտամենտը տեղեկացրել է, որ վիզաների ու արտասահմանյան անձնագրերի տրամադրումն ամբողջ աշխարհում Միացյալ Նահանգների դեսպանատներում ժամանակավորապես դադարեցվել է:



Ինչպես նշում է interfax.ru-ն, տեղի ունեցածը պայմանավորված է տեխնիկական անսարքություններով:

 

ԱՄՆ-ի արտաքին քաղաքական գերատեսչությունը տարածած հաղորդագրությունում բացատրել է, որ անսարքության հնարավոր պատճառ կարող է լինել դեսպանատների ու հյուպատոսարանների տվյալների բազան պահող սարքավորման աշխատանքի խափանումը:

 

Չի բացառվում, որ հունիսի 9-ից հետո դիմում ներկայացրած անձինք բախվեն փաստաթղթերի ձևակերպման հետ կապված ուշացումների խնդրին: