Ֆրանսիայում Թուրքիայի գլխավոր հյուպատոսը հարձակվում է հայ երիտասարդ ակտիվիստների վրա (տեսանյութ)
Ֆրանսիայի Լիոն քաղաքում «Նոր սերունդ» հայ հեղափոխական երիտասարդական կազմակերպության ակտիվիստները շաբաթ բողոք- նստացույց են կազմակերպել Թուրքիայի գլխավոր հյուպատոսության շենքի առջև, որի ժամանակ նրանց վրա են հարձակվել հյուպատոսության անձնակազմի անդամներն ու ինքը՝ գլխավոր հյուպատոսը:
Ինչպես տեղեկացնում է Asbarez-ը` հունիսի 13-ին կազմակերպված բողոքի ակցիան մի մասն էր կազմակերպության գործունեության և ջանքերի` ուղղված Հայոց ցեղասպանության և փոխհատուցման պահանջի շուրջ Թուրքիայի շարունակական ժխտողականությանն ուշադրություն հրավիրելուն:
Ինչպես հաղորդվում է` թուրքական հյուպատոսության աշխատակիցները հարձակում են գործում ակտիվիստների վրա, հարվածել տեղի ունեցողը նկարահանողին և խլել նրա հեռախոսը: Ավելի ուշ կադրում հայտնվել է հյուպատոսը և հարձակվել ու հայհոյել երիտասարդ ակտիվիստներին:










