Եմենում ոչնչացվել է «Ալ- Կաիդայի» ղեկավարներից մեկը

09:36 • 16.06.15

Արաբական թերակղզում «Ալ- Կաիդա» ահաբեկչական խմբավորման ղեկավար Նասեր ալ-Վուհեյշին ոչնչացվել է Եմենի Խադրամաութ նահանգում՝ անօդաչու թռչող սարքից իրականացված հարվածի հետևանքով, տեղեկացնում է ТАСС-ը:

 

Եմենի ազգային անվտանգության ուժերից տեղեկացրել են, որ հարվածն իրականացվել է ուրբաթ:
 

Ամերիկյան հատուկ ծառայությունների աշխատակիցը CNN-ին հայտնել է, որ իրենք ուսումնասիրում են այդ տեղեկությունը, սակայն չի մեկնաբանել Վաշինգտոնի հնարավոր մասնակցությունն այդ գործողությանը:

 

Եվս մեկ ամերիկացի պաշտոնյա հերքել է ԱՄՆ-ի զինվորականների մասնակցությունն այդ գործողությանը: Չի բացառվում, որ  հատուկ գործողությունն իրականացրել է Կենտրոնական հետախուզական վարչությունը: