Էլեկտրաէներգիայի սակագնի բարձրացումն արդարացված է. ՀԲ էներգետիկ ոլորտի պատասխանատու
Համաշխարհային բանկի էներգետիկ ոլորտի ավագ պատասխանատու Արթուր Կոչնակյանի համոզմամբ՝ էլեկտրաէներգիայի սակագնի բարձրացումն արդարացված է, որովհետև այն վնասները, որոնք կուտակվել են արտադրության փաստացի և պլանավորված կառուցվածքի տարբերության պատճառով, պետք է փոխհատուցվեն:
«Դրանք կապ չունեն բաշխիչ ցանցի լավ կամ վատ աշխատանքի հետ: Մենք փոխհատուցում ենք այն ռիսկերի համար, որոնք իրենք չեն վերահսկում և չեն էլ կարող վերահսկել»,-ասաց փորձագետը՝ շարունակելով. «Հաճախ քննարկում են, թե մենք փոխհատուցում ենք իրենց կորուստները, բայց մենք փոխհատուցում ենք միայն այն կորուստները, որոնք առաջացել են սակավաջուր տարիներին և նմանատիպ մի քանի այլ տարբերությունների՝ փաստացի արտադրության և պլանավորած կառուցվածքի միջև»:
Ի դեպ, Արթուր Կոչնակյանն ասաց նաև, թե էլեկտրաէներգիայի թանկացման պատճառը ՀԷՑ-ի մենաշնորհը չէ:










