Տոկիոյից 140 կմ հեռավորության վրա գտնվող Ասամա հրաբուխը մոխիր է ժայթքել
Ճապոնիայի օդերևութաբանները Տոկիոյից 140 կիլոմետր հեռավորության վրա գտնվող Ասամա հրաբխի խառնարանից մոխրի արտանետում են գրանցել, հաղորդում է ria.ru-ն: Օդերևութաբանների տվյալներով՝ մոխիրը հայտնաբերվել է խառնարանից 4 կիլոմետրի վրա:
Շրջանում պահպանվում է 5-բալանոց սանդղակով վտանգի երկրորդ մակարդակը, որը ենթադրում է հրաբխի խառնարանին ավելի քան երկու կիլոմետր մոտենալու արգելք:
Հրաբխի խառնարանից մոխրի արտանետումը չի հանգեցրել թռիչքների փոփոխությունների և ուշացումների:
Այլ մանրամասներ դեռ չեն հաղորդվում:










