Բաքվում բելառուս ու վրացի մարզիկների մենամարտը ծեծկռտուքով է ավարտվել
Բելառուս և վրացի ազատ ոճի ըմբիշները կռվել են Բաքվում՝ Եվրոպական խաղերի ժամանակ, տեղեկացնում է Lenta.ru-ն:
Միջադեպը տեղի է ունեցել մինչև 57 կգ քաշային կարգում բելառուս Վլադիսլավ Անդրեևի և վրացի Վլադիմիր Խինչեգաշվիլիի մարտի ընթացքում:
2:1 հաշվով պարտվելու ընթացքում վրացի մարզիկն ապտակել է մրցակցին: Բելառուս մարզիկը պատասխանել է, ինչից հետո ըմբիշների միջև ծեծկռտուք է սկսվել:
Բախմանը միջամտել են դատավորները: Ծեծկռտուքի պատճառով մարտն ընդհատվել է, երկու մարզիկներին հեռացրել են մրցագորգից:
Դատավորների որոշմամբ՝ երկու մարզիկներն էլ որակազրկվել են, նրանց հաշվում տեխնիկական պարտություն (0:4) է գրանցվել:
Այդ քաշային կարգում ոսկու համար պայքարում են ռուսաստանցի Վիկտոր Լեբեդևն ու Գերմանիայից Մարսել Էվալդը:










