Չեխիայում տղամարդ է հոսպիտալացվել` MERS վիրուսի ախտանիշերով
Չեխիայի քաղաքացին, ով վերադարձել էր Հարավային Կորեայից, հոսպիտալացվել է` MERS մերձարևելյան շնչառական համախտանիշի կասկածանքով: INTERFAX.RU-ի փոխանցմամբ` այս մասին երեքշաբթի լրագրողներին է հայտնել առողջապահության նախարար Սվատոպլուկ Նեմեչեկը:
1989 թվականի ծնված տղամարդը Հարավային Կորեայից վերադարձել է մայիսի 30-ին: Բժիշկները նրա մոտ մրսածության և տենդի ախտանիշեր են հայտնաբերել: Հետազոտությունների արդյունքերը, ինչպես ակնկալվում է, պատրաստ կլինեն չորեքշաբթի առավոտյան:
Ներկայում Հարավային Կորեայում հիվանդության 154 դեպք է գրանցվել, 19 մարդ մահացել է:
Հիշեցնենք, որ այսօր ավելի վաղ հաղորդվում էր, որ Գերմանիայի 65-ամյա քաղաքացին մահացել է հայրենիքում` վիրուսից առաջացած բարդությունների պատճառով:










