Ստամբուլի «Արմեն» որբանոց-ճամբարի համար պայքարը շարունակվում է
Ստամբուլի «Արմեն» որբանոց - ճամբարի համար պայքարը շարունակվում է: Արդեն մոտ 45 օր է՝ որբանոցի քանդման աշխատանքները կանխելու համար պայքարողները սպասում են, որ գույքը կհանձնվի հայ համայնքին:
Ինչպես տեղեկացնում է «Ակօս»-ը՝ հունիսի 7-ին կայացած խորհրդարանական ընտրություններից առաջ ակտիվորեն մեկնարկած գործընթացն այժմ ընդհատվել է, և դեռ որևէ արդյունք չկա:
Թուրզլայի համայնքապետ Շադի Յազըջըի հետ հանդիպումներն այս շաբաթ էլ են շարունակվել:
Դեռևս մայիսի 28-ին շինության ներկայիս սեփականատեր Ֆաթիհ Ուլուսոյը խոստացել էր գույքը փոխանցել դրա իրական տիրոջը՝ հայկական եկեղեցու հիմնադրամին:
Չնայած դրանից արդեն 20 օր է անցել՝ առկա «տեխնիկական խնդիրները» դեռ լուծում չեն ստացել։
Խնդրի կողմերը նշում են, որ գործընթացքում որևէ առաջընթաց չի գրանցվել և որ մոտ ապագայում հանձնվելու է հայ համայնքին:
Հայ ճարտարապետների միությունն արդեն աշխատանքներ է սկսել ճամբարի հանձնումից հետո առանց ժամանակ կորցնելու այն նախկին տեսքի բերելու համար:
Ճամբարում շարունակվող հերթապահության 45-րդ օրը՝ հունիսի 19-ի առավոտյան, «Նոր Զարթօնք» կազմակերպությունը մամուլի ասուլիս է կազմակերպելու, միևնույն ժամանակ բացատրություն է պահանջելու և հարցը շուտափույթ լուծելու համար կոչ է հնչեցնելու։










