10 դոլարանոցների վրա կնոջ դեմք կհայտնվի
ԱՄՆ-ի պատմության մեջ առաջին անգամ 10 դոլար արժողությամբ թղթադրամի վրա կնոջ դեմք կհայտնվի, հաղորդում է gazeta.ru-ն:
Ինչպես հայտնել է ԱՄՆ ֆինանսների նախարար Ջեյկոբ Լյուն, նոր թղթադրամը կհայտնվի 2020 թվականին և պատկերը «կներկայացնի ամերիկյան ժողովրդավարության արժեքները»: Սակայն պաշտոնյան չի հստակեցրել, թե ում դեմքն է օգտագործվելու թղթադրամի վրա:
Նշվում է, որ նոր թղթադրամի մասին որոշումը կընդունվի՝ հասարակական կարծիքի հարցումները հաշվի առնելով: Դրանց արդյունքում՝ առաջատար դիրքում են Էնդրյու Ջեքսոնը, Էլեոնորա Ռուզվելտը և Ռոզա Պարկսը:
Կնոջ դեմքով թղթադրամի հայտնվելը նվիրված է ԱՄՆ Սահմանադրության մեջ 19-րդ լրացման 100-ամյակին, որը կանանց ձայնի իրավունք է տվել:
ԱՄՆ ֆինանսների նախարարը նաև նշել է, որ Ալեքսանդր Համիլթոնի պատկերը ժամանակակից 10 դոլարանոցների վրա նույնպես կպահպանվի:










