Ճապոնիայում Սինդակե հրաբուխը կրկին ծխի և մոխրի շերտ է արտանետել

09:57 • 19.06.15

Ճապոնիայի հարավում գտնվող Սինդակե հրաբուխն այսօր 200 մ բարձրությամբ ծխի և մոխրի շերտ է արտանետել, հայտնել է երկրի գլխավոր օդերևութաբանական վարչությունը։

 

Ինչպես փոխանցում է РИА Новости-ն՝ ծխի և մոխրի արտանետումն այստեղ նկատվում է արդեն 2 օր՝ 20-օրյա ընդմիջումից հետո, երբ մայիսի 29-ին հրաբխի վրա տեղի էր ունեցել մինչև 9000 մ բարձրության արտանետում։

 

Գլխավոր օդերևութաբանական վարչությունը հրաբխի ժայթքմանը շնորհել էր առավելագույն բարձր՝ վտանգի 5-րդ մակարդակը։ Այն նախատեսում է բնակիչների շտապ տարհանում։