Հանդիպել են Գյուլն ու Էրդողանը

16:03 • 19.06.15

Թուրքիայի նախագահ Ռեջեփ Թայիփ Էրդողանը հանդիպում է ունեցել երկրի նախկին նախագահ Աբդուլլահ Գյուլի հետ:



Ինչպես տեղեկացնում է «Միլլիյեթ» թերթի կայքը, նախկին ու ներկա նախագահների հանդիպումը տևել է 45 րոպե:
 

Հանդիպման ավարտին Էրդողանը որևէ հայտարարություն չի արել:

 

Հանդիպումը տեղի է ունեցել նախկին նախագահ Սուլեյման Դեմիրելի հուղարկավորության արարողությունից հետո՝ խորհրդարանի խոսնակ Ջեմիլ Չիչեքի աշխատասենյակում:

 

Նշվում է, որ այդ պահին խորհրդարանում եղել է նաև վարչապետ Ահմեթ Դավութօղլուն, որը, սակայն, հանդիպմանը չի մասնակցել:

 

Ենթադրաբար նախագահների հանդիպումը պլանավորված չի եղել, և նրանք խոսել են հունիսի 7-ին կայացած խորհրդարանական ընտրությունների մասին: