«Արի տուն» ծրագրի 2-րդ փուլը մեկնարկել է. մասնակցում է 104 երիտասարդ աշխարհի 7 երկրից

12:15 • 22.06.15

ՀՀ սփյուռքի նախարարությունում այսօր տեղի է ունեցել «Արի տուն» ծրագրի երկրորդ փուլի բացման հանդիսավոր արարողությունը:


Այս մասին հայտնում են ՀՀ սփյուռքի նախարարության մամուլի ծառայությունից։


Հաղորդագրության մեջ ասվում է, որ ՀՀ սփյուռքի նախարար Հրանուշ Հակոբյանի ողջույնի խոսքը արիտունցիներին է փոխանցել նախարարության աշխատակազմի ղեկավար Ֆ. Զաքարյանը։


«Արի տուն» ծրագրի երկրորդ փուլի մասնակիցներին ողջունել է նաև Վանաձորի դրամատիկական թատրոնի դերասան, ասմունքող Ջիվան Սարգսյանը:
Ելույթ է ունեցել Երևանի մանկապատանեկան ստեղծագործության կենտրոնի  «Կռունկ» պարային համույթը:
 

«Արի տուն» ծրագրի երկրորդ փուլին մասնակցում է 104 երիտասարդ աշխարհի 7 երկրից՝ ՌԴ-ից, Ուկրաինայից,  Բելառուսից, Վրաստանից, Լիտվայից, Սիրիայից և ԱՄՆ-ից, նաև՝  Հայաստան տեղափոխված 13 սիրիահայ պատանիներ ու աղջիկներ: