Բալի առողջարար հատկությունները

Home Healthy Recipes-ը ներկայացրել հունիսին օգտագործվող մրգերից ամենաառողջարարի` բալի օգտակար հատկությունները:

Բալը հարուստ է հակաօքսիդանտներով և ցածր կալորիականություն ունի: Որ տարատեսակն էլ ընտրեք, բալը հարուստ է  C, B և  A վիտամիններով:

Բալի հատիկները պարունակում են անտոցիան կոչվող միացություն, որն օգնում է նվազեցնել ծերացման հետ կապված պիգմենտավորումը, մելատոնին քնի հորմոնը, կալցիում, կալիում և շատ հանքանյութեր:

Սննդարար բաղադրիչների և մելատոնինի առկայության շնորհիվ բալն օգնում է հաղթահարել անքնությունը: Այս հարցում լավ օգնական է նաև դեղձը:  

Բալը հիանալիորեն պաշտպանում է սիրտը, քանի որ այն վերացնում է վատ խոլեստերինն օրգանիզմում:

Վերջերս իրականացված նոր հետազոտության արդյունքում պարզվել է նաև, որ բալը կարող է  կանխել հաստաղու  քաղցկեղի առաջացումը: