Ցիպրասը հայտնել է Մերկելին Հունաստանի նոր առաջարկների մասին
AP
Հունաստանի վարչապետ Ալեքսիս Ցիպրասը և Գերմանիայի կանցլեր Անգելա Մերկելը հեռախոսով քննարկել են Հունաստանում հանրաքվեի արդյունքները: Այդ մասին հայտնել է Reuters գործակալությունը՝ վկայակոչելով կառավարությունում իր աղբյուրին:
Ցիպրասը հայտնել է Մերկելին, որ Հունաստանը մտադիր է նոր առաջարկներ ներկայացնել Հունաստանում հանրաքվեի արդյունքներին նվիրված եվրոգոտու առաջնորդների արտակարգ գագաթաժողովին:
Նոր հունական առաջարկների մանրամասներն աղբյուրը չի հայտնել։
Ավելի վաղ հաղորդվել է, որ ՌԴ նախագահ Վլադիմիր Պուտինը և Ցիպրասը քննարկել են Հունաստանում հանրաքվեի արդյունքները:
Հիշեցնենք, որ կիրակի օրը տեղի ունեցած հանրաքվեի ժամանակ միջազգային վարկատուների պահանջներին «ոչ» է ասել ընտրողների 61.31%-ը, կողմ է արտահայտվել 38.69%-ը։ Անվավեր է ճանաչվել քվեաթերթիկների 5.8%-ը։










