Պուտինը Հունաստանի վարչապետի հետ քննարկել է հանրաքվեի արդյունքները

16:05 • 06.07.15

ՌԴ նախագահ Վլադիմիր Պուտինը հեռախոսով Հունաստանի վարչապետ Ալեքսիս Ցիպրասի հետ քննարկել է հունական հանրաքվեի արդյունքներն ու աջակցություն է հայտնել Հունաստանի ժողովրդին՝ երկրի առջև ծառացած դժվարությունների հարցում։

 

Ինչպես տեղեկացնում է РИА Новости գործակալությունը, այդ մասին ասված է Կրեմլի տարածած մամուլի հաղորդագրության մեջ։

 

Հեռախոսազրույցը կայացել է հունական կողմի նախաձեռնությամբ։


«Քննարկվել են Հունաստանում կայացած հանրաքվեի արդյունքները՝ միջազգային վարկատուների կողմից Աթենքին ֆինանսական օգնություն տրամադրելու հարցում, ինչպես նաև որոշ հարցեր՝ ռուս-հունական հետագա համագործակցության զարգացման առումով»,-ասված է հաղորդագրության մեջ։

 

Պուտինը նաև աջակցություն է հայտնել Հունաստանի ժողովրդին՝ երկրի առաջ ծառացած դժվարությունների հաղթահարման հարցում։