Շիրակի մարզի Սպանդարյանի գյուղական համայնքի ղեկավարի արտահերթ ընտրություններ կանցկացվեն
Կառավարության այսօրվա նիստի ժամանակ որոշում կայացվեց դադարեցնել Շիրակի մարզի Սպանդարյանի գյուղական համայնքի ղեկավարի լիազորությունները և համայնքի ղեկավարի արտահերթ ընտրություն անցկացնել:
Տարածքային և արտակարգ իրավիճակների նախարար Արմեն Երիցյանը նշեց, որ այս որոշումը ուժի մեջ է մտնելու օրվան հաջորդող 40-օրյա ժամկետի վերջին կիրակի օրը նշանակվելու է Սպանդարյան համայնքի գյուղապետի ընտրություններ: Ընտրությունների պատշաճ կազմակերպման համար կառավարությունը` պահուստային ֆոնդից կենտրոնական ընտրական հանձնաժողովին հատկացրեց 1,124.2 հազար դրամ, իսկ ոստիկանությանը` 4.5 հազար դրամ։










