Թունիսը Լիբիայի հետ սահմանին պատ է կառուցում՝ ԻՊ-ից պաշտպանվելու համար
Լուսանկարը՝ stroyobzor.ua-ի
Թունիսի իշխանությունները որոշել են Լիբիայի հետ սահմանին պատ կառուցել՝ Սուս քաղաքի լողափում տեղի ունեցած ահաբեկչությունից հետո, հայտարարել է երկրի վարչապետ Հաբիբ Էսիդը, փոխանցում է Газета-ն։
«Մենք սկսել ենք պատ կառուցել Լիբիայի հետ սահմանի ողջ երկայնքով։ Երկարությունը կկազմի 168 կմ, իսկ շինարարությունը կավարտվի 2015-ի վերջին»,- նշել է վարչապետը։
Նա նաև հայտնել է, որ պատը պետք է որպես գործիք ծառայի «Իսլամական պետություն» խմբավորման ահաբեկիչների մուտքը երկիր խոչընդոտելու համար։
Հիշեցնենք, որ հունիսի 26-ին Թունիսում 5-աստղանի հյուրանոցի տարածքում ահաբեկչություն է իրականացվել, որի պատասխանատվությունը ստանձնել է «Իսլամական պետություն» խմբավորումը։ Ահաբեկչությանը զոհ է գնացել 39 մարդ։










