Անհայտ անձը կրակ է բացել Գերմանիայի հարավում. կան զոհեր

14:42 • 10.07.15

Fabrizio Bensch/Reuters

Անհայտ անձը կրակ է բացել Գերմանիայի հարավում, սպանվել է մի քանի մարդ: Ինչպես տեղեկացնում է BBC-ն, այդ մասին այդ մասին հայտնել է տեղի ոստիկանությունը։

 

Նախնական տվյալներով՝ անհայտ անձը կրակ է բացել Բավարիայի Անսբախի մոտակայքում գտնվող Տիֆենթալ քաղաքում: Հանցագործը հեռացել է դեպքի վայրից արծաթագույն Mercedes-ով:

 

Իրավապահ մարմինները նախազգուշացնում են շփման մեջ չմտնել այդ ավտոմեքենայի վարորդի հետ:

Ինչպես հայտնում են լրատվամիջոցները՝ վկայակոչելով ոստիկանությանը, առնվազն երկու մարդ է մահացել:

 

The Guardian-ի հաղորդմամբ, ոստիկանության խոսնակ Սիմոն Վիզենբերգը հայտնել է, որ ոստիկանությունը ձերբակալել է ենթադրյալ հանցագործին, սակայն այլ մանրամասներ չի հաղորդել: