Ջորջ Բուշ-Ավագն ընկել է և կոտրել ողնաշարը պարանոցի հատվածում
Լուսանկարը՝ АР–ի
ԱՄՆ նախկին նախագահ Ջորջ Բուշ-Ավագը տեղափոխվել է հիվանդանոց այն բանից հետո, երբ ընկնելու հետևանքով կոտրել է ողնաշարը պարանոցի հատվածում:
Ինչպես տեղեկացնում է BBC-ի ռուսական ծառայությունը, վկայակոչելով նրա մամուլի քարտուղար Ջիմ Մակգրատին, Ջորջ Բուշ-Ավագի կյանքին, սակայն, վտանգ չի սպառնում:
«Նրա վիճակը կայուն է, սակայն նա ստիպված կլինի պարանոցի կորսետ կրել»,- գրել է Մակգրատը Twitter-ի իր էջում:
Բուշն ընկել է չորեքշաբթի առավոտյան Քենեբանկպորտ քաղաքում գտնվող սեփական տանը և այժմ բուժում է անցնում Պորտլենդի հիվանդանոցում:
«Մենք չենք կարծում, որ նա հիվանդանոցում երկար կմնա»,- ասել է Մակգրատը:










