Բելառուսի նախագահի շարասյունը վթարի է ենթարկվել, կան տուժածներ
Լուսանկարը՝ naviny.by-ի
Բելառուսի նախագահ Ալեքսանդր Լուկաշենկոյի ավտոշարասյունը վթարի է ենթարկվել Օրշա-Մոգիլև մայրուղու վրա, այս մասին հայտնում է Газета-ն՝ վկայակոչելով սոցկայքերի օգտատերերին։
Վթարը տեղի է ունեցել հուլիսի 7-ին, երբ Լուկաշենկոն Ալեքսանդրիա քաղաքից վերադառնալիս է եղել
Մինսկ։
«Նախագահի ավտոշարասյանն ընդառաջ է դուրս եկել BMW ավտոմեքենա և ամբողջ արագությամբ բախվել մեքենաներից մեկին՝ Mercedes միկրոավտոբուսին։ Ուղևորները շատ են տուժել, քանի որ մեքենան ընկել է առուն և մի քանի անգամ պտտվել»,- նշում են սոցկայքերում։
Հաղորդվում է, որ նախագահը վթարի ենթարկված մեքենայում չի եղել։ Այնտեղ եղել են Լուկաշենկոյի անվտանգության ծառայության աշխատակիցները, ովքեր միջադեպի հետևանքով ստացած վնասվածքներով հոսպիտալացվել։
BMW ավտոմեքենայի վարորդի նկատմամբ հարուցվել է քրեական գործ։










