Եգիպտոսի նախկին վարչապետին 5 տարվա ազատազրկման են դատապարտել

23:46 • 22.07.15

Եգիպտոսի դատարանը 5 տարվա ազատազրկման է դատապարտել երկրի նախկին վարչապետ Ահմեդ Նազիֆին, ով այդ պաշտոնը զբաղեցնում էր Հոսնի Մուբարաքի կառավարությունում:
Ինչպես հաղորդում է Газета.Ru-ն` Reuters գործակալությանը հղումով, նախկինում Նազիֆին դատապարտել էին երեք տարվա ազատազրկման, որից հետո նա բողոքարկել էր Վերաքննիչ դատարանը` գործը վերանայելու համար:


Ահմեդ Նազիֆը մեղադրվում է ծառայողական դիրքի օգտագործմամբ խոշոր գումարի յուրացման մեջ: Նա պարտավորվում է  տուգանք մուծել և երկրի գանձարանին վերադարձնել ապօրինաբար յուրացված 14 մլն դոլարը: Նշվում է, որ նա փետրվարից ազատության մեջ է եղել:



Ավելի վաղ Եգիպտոսի դատարանը գործի կրկնակի քննության ժամանակ երկրի նախկին նախագահ Հոսնի Մուբարաքին  և նրա երկու որդուն  դատապարտել է 3 տարվա ազատազրկման` դրամաշորթության գործով: