Ռուսաստանում տղամարդը 2 կնոջ է ցած գցել 3-րդ հարկից

21:29 • 23.07.15

Ռուսաստանի Սարանսկ քաղաքում իրավապահները որոնում են տղամարդուն, որը օրերս 2 կանանց էր դուրս հրել տան պատշգամբից:


Interfax-ը մանրամասնում է, որ 28-ամյա տղամարդը հուլիսի 18-ին վիճաբանությունից հետո բնակելի շենքի երրորդ հարկի պատշգամբից դուրս էր հրել-գցել իր ծանոթ երկու կանանց:


Կանանցից մեկը մահացել է նախքան շտապօգնության գալը, մյուսը ծանր վիճակում հիվանդանոց է տեղափոխվել:


Հայտնի է, որ տղամարդն ու կանայք Սարանսկ էին եկել Չելյաբինսկից` հագուստի ցուցահանդեսի մասնակցելու և բնակարան էին վարձակալել տեղի պողոտաներից մեկում:


Տղամարդու անձը պարզվել է, սակայն չի հրապարակվում,այժմ ճշտվում է նրա գտնվելու վայրը: