Հրավառիչ տեխնիկայի իտալական գործարանում պայթյուն է տեղի ունեցել. կան զոհեր

20:30 • 24.07.15

Պայթյուն է տեղի ունեցել Իտալիայի Ապուլիա մարզի Մոդունյո քաղաքում գտնվող Bruscella հրավառիչ տեխնիկայի գործարանի տարածքում:


Ինչպես տեղեկացնում է ТАСС  գործակալությունը` TG-24 տեղեկատվական հեռուստաալիքին հղումով, պայթյունի հետևանքով 4 աշխատակից  է զոհվել, 3-ը վնասվածքներ են ստացել: Տուժածներից մեկի վիճակը ծանր է գնահատվում:


Պայթյունից հետո ուժեղ հրդեհ է բռնկվել, որից հետո ևս մի քանի պայթյուններ են տեղի ունեցել: Դեպքի վայր են ժամանել հրշեջները և փրկարարները:


Գործարանում աշխատում է 10 մարդ, ներկա պահին որոնում են, մյուս երեք աշխատակցին: