ԼՂՀ ՊՆ-ն ճնշել է ադրբեջանական զինուժի ակտիվությունը

09:29 • 24.07.15

Հուլիսի 23-ին և լույս 24-ի գիշերը հակառակորդի կողմից ղարաբաղա-ադրբեջանական սահմանի ողջ երկայնքով հրադադարի պահպանման ռեժիմը խախտվել է շուրջ 160 անգամ։

 

Ինչպես տեղեկացնում է ԼՂՀ Պաշտպանության նախարարության մամուլի ծառայությունը, այդ ընթացքում, տարբեր տրամաչափի հրաձգային զինատեսակներից, ինչպես նաև 82 միլիմետրանոց ականանետներից ու տարբեր տիպի նռնականետերից, հայ դիրքապահների ուղղությամբ արձակվել է ավելի քան 2500 կրակոց:

 

ՊԲ առաջապահ զորամասերի կողմից ձեռնարկված պատասխան գործողությունների արդյունքում`  հակառակորդի ցուցաբերած ակտիվությունը ճնշվել է: