«Սեբյաշկա». Ժիրինովսկին առաջարկել է «սելֆի» բառի ռուսական համարժեքը

10:37 • 25.07.15

Ռուս քաղաքական գործիչ Վլադիմիր Ժիրինովսկին, ով հայտնի է իր ոչ միանշանակ վարքով ու արտահայտություններով, առաջարկել է «սելֆի» բառի ռուսական համարժեքը։

 

Ինչպես նշում է korrespondent.net-ը, ըստ նրա` ռուսախոսները գերժամանակակից «սելֆի» բառի փոխարեն պետք է կիրառեն «սեբյաշկա» բառը:

 

««Սելֆի» նշանակում է, երբ ինքդ քեզ լուսանկարում ես: Ռուսերեն դա կհնչի այսպես` «սեբյաշկա»»,-ասել է քաղաքական գործիչը Համառուսական երիտասարդական կրթական համաժողովի մասնակիցներին:

 

Ժիրինովսկու կարծիքով՝ օտարածին բառերը վարկաբեկում են Ռուսաստանի հեղինակությունը։

 

«Երբ օտարերկրացիները լսում են, թե ինչպես ենք մենք 5 բառ արտասանում, որից 4-ն օտարածին են, նրանք մեր մասին այդքան էլ լավ կարծիք չեն կազմում»,- նշել է Լիբերալ- դեմոկրատական կուսակցության ղեկավարը։


Նա նաև նախազգուշացրել է երիտասարդներին այդքան չտարվել «սելֆիներով», քանի որ դրանք կարող են դժբախտ պատահարի կամ մահվան պատճառ դառնալ։