8 սննդամթերք, որ չի կարելի ուտել քնելուց առաջ

Ստամոքսի ռեֆլյուքսը (ստամոքս-կերակրափողային հետհոսք), որը այրոցի զգացում է ստեղծում, կարող է խնդիրներ առաջացնել գիշերային ժամերին, ինչից խուսափելու համար անհրաժեշտ է ուշադիր լինել քնելուց առաջ և վնասող սնունդ չընդունել:  Healthyfoodstar.com-ը ներկայացրել է այն ուտելիքները, որոնք խորհուրդ չի տրվում ուտել երեկոյան ժամերին:

1. Գազավորված ըմպելիքներ, որոնք ավելի շատ թթու են պարունակում, քան բնության մեջ հանդիպող որևէ այլ բնական բաղադրիչ: Դա ճնշում է ստեղծում ստամոքսի վրա:

2. Ալկոհոլ, որը թուլացնում է ստամոքսը կերակրափողին միացնող փականները, ինչի հետևանքով ստամոքսում թթվայնության հավասար տեղաբաշխումը խախտվում է:

3. Շոկոլադ, որը մեծ քանակությամբ ճարպեր և կոֆեին է պարունակում, որն էլ խթանում է ստամոքսի ռեֆլյուքսը:

4. Ճարպային ուտելիքներ, որոնցից են պաղպաղակը, թխվածքները, համբուրգերները և ճարպի մեծ քանակություն ունեցող բոլոր սննդամթերքները:

5. Պանիր, հատկապես փափուկ տեսակի պանիրներից պետք է խուսափել, օրինակ` մոցառելան: Քնելուց առաջ կարելի է փոքր չափաբաժնով պինդ տեսակի պանիր ընտրել, ինչպես օրինակ` պարմեզանը:

6. Սուրճ, որը ոչ միայն կխանգարի քունը  կոֆեինի պարունակության շնորհիվ, այլև կգրգռի ստամոքսը թթվայնության պատճառով:

7. Ցիտրուսային մրգեր, որոնք կարելի է օգտագործել օրվա ընթացքում, բայց ոչ երեկոյան ժամերին, քանի որ մեծ քանակությամբ  թթուներ են պարունակում:

8.  Ընկուզեղեն, որը հագեցած և ոչ հագեցած ճարպեր է  պարունակում, հատկապես` ընկույզը, գետնանուշը և  հնդկական ընկույզը: