Ցմահ դատապարտյալ Սողոմոն Քոչարյանին հոսպիտալացրել են

17:34 • 19.08.15

Ցմաh դատապարտյալ Սողոմոն Քոչարյանը երեկվանից գտնվում է «Էրեբունի» բժշկական կենտրոնի վերակենդանացման բաժանմունքում, ինչի մասին Tert.am-ին հայտնի դարձավ  բժշկական կենտրոնից:

 

Վերակենդանացման բաժանմունք Սողոմոն Քոչարյանին տեղափոխելու պատճառը սիրտ-թոքային անբավարարության խրոնիկ հիվանդությունն է, որը, ինչպես նշեցին ԲԿ-ից, պարբերաբար սրվում է դեղորայքը նորմալ չօգտագործելու հետևանքով:

 

Սողոմոն Քոչարյանի առողջական վիճակը ներկայումս գնահատվում է կայուն:


Նշենք, որ Սողոմոն Քոչարյանը Արցախյան պատերազմի մասնակից, 2-րդ կարգի հաշմանդամ, հետախույզ է, 1995թ. մահապատժի է դատապարտվել՝ Իրանի քաղաքացի Փուր Միրզա-Բեկի սպանության համար: 2003թ-ին ՀՀ Նախագահի հրամանագրով այդ դատավճիռները փոխարինվել են ցմահ ազատազրկման։