Ուկրաինայում առաջարկել են Կոբզոնին և այլ գործիչների զրկել ժողովրդական արտիստի կոչումից

23:03 • 03.09.15

Ուկրաինայի Գերագույն ռադայի պատգամավոր Իվան Մելնիչուկը՝ «Պյոտր Պորոշենկոյի բլոկից», առաջարկել է մի շարք երգիչների զրկել Ուկրաինայի ժողովրդական  արտիստի կոչումից:

Ինչպես հայտնում է  Lenta.ru-ն` УНИАН-ին հղումով, պատգամավորի առաջարկած օրինագծի համաձայն` նախատեսվում է կոչումից զրկել ռուս կատարողներ Իոսիֆ Կոբզոնին և Նիկոլայ Բասկովին, ինչպես նաև ուկրաինացիներ Տաիսյա Պովալիին և Կարոլինա Կուեկին, ով առավել հայտնի է որպես Անի Լորակ:

Խմբակցության մամլո կենտրոնից հայտնել են, որ նախագծի հիմնական խնդիրը մշակույթի, արվեստի և շոու բիզնեսի  գործիչների  «հակաուկրաինական և անջատողականամետ դրսևորումները դատապարտելն է»: