Արգենտինան հայտնել է ավելի շատ սիրիացի փախստականների ընդունելու պատրաստակամության մասին

00:46 • 05.09.15

Արգենտինայի վարչապետ Անիբալ Ֆերնանդեսը  հայտարարել է, որ իր երկիրը պատրաստ է ավելի շատ սիրիացի փախստականների ընդունել, որոնք փախչում են հայրենիքում տիրող քաղաքացիական պատերազմից:

Ինչպես հայտնում է BBC-ն` Բուենոս Այրեսի կառավարությունը կհեշտացնի սիրիացիների համար մուտքի պայմանները` անցյալ տարվանից գործող ծրագրի համաձայն:

Ֆերնանդեսի խոսքով` Արգենտինան ազգային ավանդույթի համաձայն` օգնում է բոլորին, ովքեր փախչում են հումանիտար ճգնաժամերից։ 

ՄԱԿ-ի տվյալներով` Սիրիայում պատերազմի սկզբից ի վեր երկրից ավելի քան 4 մլն մարդ է հեռացել: Արգենտինան դեռևս ընդամենը 100 սիրիացու է ընդունել: