Ադրբեջանի և Թուրքիայի նախագահները հեռախոսազրույց են ունեցել
Ադրբեջանի նախագահ Իլհամ Ալիևն այսօր հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
Ինչպես տեղեկացնում է ադրբեջանական ԱՊԱ գործակալությունը, Ադրբեջանի ղեկավարը նշել է, որ ցավում է Հաքքարի նահանգում տեղի ունեցած ահաբեկչական գործողության համար, ինչի հետևանքով բազմաթիվ զինվորականներ են զոհվել ու վիրավորվել։
Ալիևը հայտարարել է, որ «Ադրբեջանը դատապարտում է այդ ահավոր ահաբեկչությունը»։
Էրդողանը երախտագիտություն է հայտնել ադրբեջանցի գործընկերոջը՝ ցուցաբերած ուշադրության համար։
Պետությունների ղեկավարները կարծիքներ են փոխանակել երկկողմ հարաբերությունների տարբեր ոլորտների առնչությամբ։










