Կարեն Բեքարյանը չի հրաժարվի պատգամավորական մանդատից
«Եվրոպական ինտեգրացիա» հասարակական կազմակերպության նախագահ Կարեն Բեքարյանը Tert.am-ի հետ զրույցում նշեց, որ չի հրաժարվի պատգամավորական մանդատից:
«Իմ որոշումը դրական է»,-ասաց նա:
Նշենք, որ ըստ Հայաստանի Հանրապետական կուսակցության համամասնական ցուցակի հաջորդականության՝ ՀՀ արդարադատության նախարարի պաշտոնում նշանակված Արփինե Հովհաննիսյանին պետք է փոխարինի «Եվրոպական ինտեգրացիա» ՀԿ-ի նախագահ Կարեն Բեքարյանը:
Կարեն Բեքարյանն ասաց, որ լավ է տրամադրված պատգամավորական գործունեությանը։ «Ես բավական երկար ժամանակ աշխատել եմ ԱԺ աշխատակազմում, Արտաքին հարաբերությունների հանձնաժողովում՝ որպես փորձագետ, այսինքն՝ իմ համար խորթ միջավայր չէ: Պարզ է այլ կարգավիճակ է, խնդիրներն են փոխվում, բայց, ընդհանուր առմամբ տրամադրվածությունը նորմալ է, դրական»,-ասաց նա:










