Լոնդոնում մուսուլմանների դեմ իրականացվող հանցագործություններն ավելացել են 70%-ով
Լուսանկարը՝ The Daily Mail-ի
Լոնդոնում մուսուլմանների դեմ ատելության հողի վրա իրականացված հանցագործությունների թիվն ավելացել է 70%-ով, գրում է BBC-ն՝ հղում անելով քաղաքային ոստիկանությանը։
Համաձայն ստացված տվյալների՝ նախորդ տարվա հուլիսից սկսած իսլամատյացության հողի վրա իրականացվել է 816 հանցագործություն՝ ի տարբերություն նախորդ ժամանակահատվածի 478-ի։
Tell MAMA իրավապաշտպան կազմակերպությունը, որը զբաղվում է մուսուլմանների նկատմամբ հարձակումների մոնիթորինգով, հայտնում է, որ նման հանցագործությունների զոհերի մոտ 60%-ը կանայք են։
Կազմակերպությունում հայտնել են, որ ագրեսիային առավել հաճախ բախվում են կանայք, ովքեր փարաջա են կրում։
Վիճակագրությունում ներառված հանցագործությունների թվում են հետապնդումները համացանցում, փողոցային հարձակումները և բռնության ծայրահեղ տարբերակները։










