Մոլդովայի վարչապետը հայտարարել է, որ իշխանությունը ցուցարարների համար պատասխան է պատրաստում
Մոլդովայի վարչապետ Վալերիու Ստրելեցը հանդիպել է Քիշնևում հակակառավարական ցույցի մասնակիցների հետ: Նա հայտարարել է, որ իշխանությունը պատրաստվում է պատասխան տալ ցուցարարներին, տեղեկացնում է korrespondent.net-ը։
«Կառավարությունում կձևավորվի աշխատանքային խումբ՝ տարբեր նախարարությունների ու գերատեսչությունների ներկայացուցիչներից, որոնք կուսումնասիրեն ցուցարարների պահանջները»,-հայտարարել է Ստրելեցը։
Հանրահավաքի կազմակերպիչներից մեկը՝ «Արժանապատվություն և իրականություն» քաղաքացիական պլատֆորմի ներկայացուցիչ Կիրիլ Մոցպանը հայտարարել է, որ ցուցարարները չեն հավատում կառավարության խոստումներին և վարչապետին կոչ է արել հարգանքով վերաբերել քաղաքացիների պահանջներին։
Հիշեցնենք, որ կիրակի Քիշնևում բողոքի բազմահազարանոց ակցիա է տեղի ունեցել։
Մոտ 100 հազար մարդ փողոցում պահանջել է նախագահի հրաժարականը, ցրել խորհրդարանը և արտահերթ արդար ընտրություններ անցկացնել։
Դրան զուգահեռ՝ ցուցարարները պահանջել են քրեական պատասխանատվության ենթարկել բոլորին, որոնք կապ ունեն երկրի բանկային համակարգից միլիարդավոր դոլարներ հափշտակելու հետ։










