Տաջիկստանում հատուկ գործողության պատճառով անջատել են SMS ծառայությունը
Տաջիկստանի բջջային օպերատորներն ուժայինների պահանջով կիրակի օրն անջատել են կարճ տեքստային հաղորդագրություններով փոխանակման ծառայությունը։
Ուժայինները հետապնդում են ապստամբ գեներալ Աբդուխալիմ Նազարզոդին՝ երկրի պաշտպանության նախարարի նախկին տեղակալին: Այդ մասին interfax.ru-ին հայտնել են օպերատորների ներկայացուցիչները և ուժային մարմիններում աղբյուրները։
«Հատուկ գործողության անցկացման ընթացքում հրաման է տրվել անջատել SMS ուղարկելու և ընդունելու հնարավորությունը»,- ասել է ուժային կառույցներում աղբյուրը։
Այդ տեղեկությունը հաստատել են բջջային կապի ընկերություններում:
«SMS ծառայությունն աջատվել է բարձրաստիճան մարմինների պահանջով: Դրա վերագործարկման մասին մենք հավելյալ կտեղեկացնենք»,- հայտնել են օպերատոր ընկերությունից։
Սեպտեմբերի 4-ից ուժային կառույցների և Նազարզոդիի աջակիցների միջև դիմադրությունից ի վեր մահացել է 18 ուժային, սպանվել 26 ապստամբ:










