Թույլատրելի արագությունը խախտելու համար Միլանը չի պատժի Բալոտելիին
«Միլանի» ղեկավարությունը կարգապահական միջոցներ չի կիրառի թիմի հարձակվող Մարիո Բալոտելիի նկատմամբ: Իտալացի ֆուտբոլիստը երեկ ժամանակավորապես զրկվել է վարորդական իրավունքներց, քանզի Բրեշիա քաղաքի փողոցներից մեկում թույլատրելի 50 կմ/ժ-ի փոխարեն մեքենան վարել է 90 կմ/ժ արագությամբ:
Բալոտելին արդեն ներողություն է խնդրել ոստիկանությունից նշելով, որ չէր տեսել արագությունը սահմանափակող նշանը:
Հիշեցնենք, որ ամռանը «Լիվերպուլից» «Միլան» վարձավճարով տեղափոխվելու պայմանագրում «ռոսոներին» հատուկ կետ էր ներառել, ըստ որի Բալոտելիին արգելված է Միլանի իմիջին վտանգ հասցնող արաքներ կատարել:
Հավանաբար իտալական ակումբը գտել է, որ սա այդ դեպքը չէ:










