Լուկաշենկոն ակնկալում է ընդլայնել համագործակցությունը Հյուսիսային Կորեայի հետ

13:26 • 09.09.15

Բելառուսի նախագահ Ալեքսանդր Լուկաշենկոն հայտարարել է, որ Մինսկի և Փհենյանի միջև համագործակցությունը զարգանալու է, տեղեկացնում է «Интерфакс» գործակալությունը։

 

«Ալեքսանդր Լուկաշենկոն համոզմունք է հայտնել, որ հետագայում հաջողությամբ կընդլայնվի երկու երկրների միջև համագործակցությունը, իսկ ավանդական բարեկամական հարաբերությունները կզարգանան»,- հաղորդել է Բելառուսի նախագահի մամուլի ծառայությունը:

 

Լուկաշենկոն շնորհավորական հեռագիր է ուղարկել ԿԺԴՀ պաշտպանական պետական հանձնաժողովի առաջին նախագահ Կիմ Չեն Ընին՝ ԿԺԴՀ-ի ձևավորման օրվա առիթով։

 

Ավելի վաղ հաղորդվել էր, որ Բելառուսը պատրաստ է ավելացնել արտահանումը դեպի ԿԺԴՀ: