Նորվեգիայի կառավարությունը հրաժարվել է ԻՊ-ին փրկագին վճարել՝ իր քաղաքացու ազատ արձակման համար
Նորվեգիայի կառավարությունը չի վճարի իր քաղաքացուն ազատ արձակելու համար «Իսլամական պետություն» խմբավորման պահանջած փրկագինը։
Ինչպես տեղեկացնում է РИА Новости գործակալությունը, Նորվեգիայի քաղաքացուն ԻՊ-ի զինյալներն առևանգել էին հունվարին՝ Սիրիայում։
«Մենք չենք կարող ահաբեկիչների ու հանցագործների ճնշմանը ենթարկվել: Նորվեգիան փրկագներ չի վճարի: Մենք չենք կարող հետ կանգնել այդ սկզբունքից»,- հայտարարել է երկրի վարչապետ Էռնա Սոլբերգը:
Նա հավելել է, որ փրկագնի վճարումը կմեծացնի երկրի այլ քաղաքացիների առևանգման վտանգը։
Էռնա Սոլբերգը հաղորդել է, որ պատանդին ազատ արձակելու համար կառավարությանը կից ճգնաժամային խումբ է ստեղծվել:
«Մեր նպատակը մեր քաղաքացու վերադարձն է»,-ասել է կառավարության ղեկավարը։










