Սահմանադրական փոփոխությունների քննարկումները իրենց խորությամբ և մասնակցների ծավալով հաճելիորեն զարմացրել են Խոսրով Հարությունյանին
ԱԺ «Հանրապետական» խմբակցության պատգամավոր Խոսրով Հարությունյանը հաճելիորեն զարմացած է՝ սահմանադրական փոփոխությունների հարցի քննարկումները թե՛ խորությամբ, թե՛ մասնակցների՝ քաղաքական ուժերի ներկայացուցիչների ծավալով բավական մեծ էր:
«Թվում էր՝ մի քանի ուժեր կմասնակցեն, իրականում պրոցեսի մեջ մասնակցեցին մեծ ծավալի ուժեր: Ընդ որում՝ էական չեմ համարում կողմ տեսակետ են հնչում, թե դեմ, կարևորը մայր օրենքի քննարկումն է և հանրությանը մատչելի հրամեցնելը»,- ասաց նա:
Խոսրով Հարությունյանը նշեց, թե խորհրդարանում, նույնիսկ կուլիսներում բավական լուրջ քննարկումներ են ընթանում, այն աստիճան, որ նույն ՀՀԿ-ն երկու օր անընդմեջ ութ ժամ քննարկել ու մեծ ծավալով առաջարկներ է ներկայացրել: Նույնատիպ քննարկումներ եղել են նաև այլ կուսակցություններում: «Այսինքն՝ փաստաթղթի նկատմանբ կա առողջ հետաքրքրություն»,-ասաց նա:
Խոսրով Հարությունյանը նշեց, որ փաստաթուղթը ՀՀ Նախագահի ցուցումով խորհրդարանում է և կարծիք հայտնեց, որ առաջիկա եռօրյայում փաստաթուղթը քննարկման կդրվի: «ԱԺ պետաիրավական հանձնաժողովը կմշակի հատուկ ընթացակարգը և ԱԺ-ի հավանություն ստանալուց հետո կքննարկենք նախագիծը»,-ասաց նա:
Խոսրով Հարությունյանն անդրադարձավ մամուլում տեղ գտած դիտարկմանը, թե Ռուսաստանը դեմ է այս փոփոխություններին և համոզել է Նախագահ Սարգսյանին՝ հետ կանգնել:
«Ռուսական կողմից ընդհանրապես միջամտություն չկա, ես չեմ զգացել, ասեիք Վենետիկի հանձնաժողովի կողմից՝ ես կարող էի մեկնաբանել, բայց ռուսական կողմից թե ուղղակի, էլ չեմ ասում անուղղակի՝ չեմ նկատել: Չգիտեմ ինչ մոտիվացիայից ելնելով նա պետք է աներ, իր քաղաքական օրակարգի համար այս փոփոխությունները որևէ աղերս չունեն, սա ներքին խնդիրն է»,-ասաց նա:










