Լիբանանի իշխանությունները վերականգնել են աղբահանության աշխատանքները

14:28 • 10.09.15

Լուսանկարը՝ Reuters-ի


Լիբանանի կառավարությունը վերջապես համաձայնեցրել է փողոցներից աղբահանության աշխատանքների վերսկսման պլանը՝ մի քանի շաբաթվա բողոքի ակցիաներից հետո, գրում է BBC-ն։

 

Գարշահոտությամբ աղբի հսկայական կույտեր են գոյացել մայրաքաղաք Բեյրութի փողոցներում, որոնք վկայում են քաղաքական փակուղու մասին, որում հայտնվել է արդեն ավելի քան 1 տարի առանց նախագահ ապրող երկիրը։

 

Նախարարների կաբինետը հաստատել է գյուղատնտեսության նախարարի առաջարկը, այն է՝ ստեղծել 2 ժամանակավոր աղբանոց և աղբահանության համար պատասխանատվությունը դնել համայնքային իշխանությունների վրա։

 

Հիշեցնենք, որ Բեյրութում ցույցերը սկսվել էին հուլիսին, երբ փակվել էր Լիբանանի խոշոր աղբանոցը, և աղբը սկսել էին նետել փողոցներում։