Փախստականների ճգնաժամը շարունակվելու է տասնամյակներ. Օբամա
ԱՄՆ-ի նախագահ Բարաք Օբաման, անդրադառնալով միջազգային քաղաքական օրակարգի ամենահրատապ խնդիրներից մեկին, կարծիք է հայտնել, որ Եվրոպայում և Մերձավոր Արևելքում առաջացած փախստականների ճգնաժամը շարունակվելու է տասնամյակներ, հայտնում է Reuters-ը։
Ինչպես նշում է gazeta.ru-ն, Միացյալ Նահանգների ղեկավարը բացատրել է, որ պատճառը շարունակվող ռազմական հակամարտություններն են, ինչպես նաև կլիմայի փոփոխությունը:
Աղբյուրը հիշեցնում է, որ ավելի վաղ ԱՄՆ-ի իշխանությունները հայտարարել էին, որ պատրաստ են ապաստան տրամադրել 10.000 սիրիացի փախստականի։
Նշենք, որ տարեսկզբից առ այսօր Մերձավոր Արևելքից ու Հյուսիսային Աֆրիկայից Եվրոպա է ժամանել մոտ 500.000 ներգաղթյալ, ովքեր ճգնաժամային իրավիճակ են ստեղծել Եվրոպական միության մի շարք պետությունների համար։



-oz1.jpg?ve=1&tl=1)











