Հրազդան-Հանքավան ավտոճանապարհին մեքենան ընկել է գետը, կա տուժած

10:34 • 13.09.15

Տարածքային կառավարման և արտակարգ իրավիճակների նախարարություն սեպտեմբերի 13-ին՝ ժամը 02.08-ին, տեղեկություն է ստացվել, որ Հրազդան-Մեղրաձոր ավտոճանապարհին տեղի է ունեցել ՃՏՊ, կան տուժածներ. անհրաժեշտ է օգնություն:

 

Ըստ ՏԿԱԻՆ կայքի՝ դեպքի վայր է մեկնել մեկ մարտական հաշվարկ: Պարզվել է, որ Հրազդան-Հանքավան ավտոճանապարհի 14-րդ կմ-ում բախվել են «Դայվու» մակնիշի (վարորդ Հ. Հ.) 34 CN 926 և «Մերսեդես» մակնիշի (վարորդ Գ. Հ.) 34 FT 392 պետհամարանիշերով ավտոմեքենաները, ինչի հետևանքով «Մերսեդես» մակնիշի ավտոմեքենան դուրս է եկել ճանապարհի երթևեկելի մասից և ընկել Մարմարիկ գետը:

 

«Դայվու» մակնիշի ավտոմեքենայի վարորդը` 1962 թ. ծնված Հ. Հ.-ը, հոսպիտալացվել է Հրազդան քաղաքի ԲԿ: Բժիշկները տուժածի առողջական վիճակները գնահատել են բավարար:

 

Հրշեջ-փրկարարները հոսանքազրկել են ավտոմեքենաները: