Մթերքներ, որոնք օգնում են հաղթահարել սթրեսը

Սթրեսը ժամանակակից աշխարհի հիվանդություն է համարվում, որն անհանգստացնում է շատերին: Թեև այն որպես լուրջ հիվանդություն չի ընկալվում, նույնպես հետևանքներ է թողնում մեր օրգանիզմի վրա, որոնցից կարելի է խուսափել առողջ սննդակարգի  օգնությամբ:  Այս մասին գրում է Healthy life tricks-ը և ներկայացնում այն բնական սննդամթերքները, որոնք նպաստում են լարվածության թոթափմանը:


Նեխուր: Այն հանգստացնող հատկություն ունի: Հետազոտության արդյունքներով` օրական նեխուրի 4 ցողուն օգտագործելը օգնում է նվազեցնել արյան ճնշումը, որը լարվածության առաջին ախտանիշներից մեկն է:

Սխտոր:  Այն դարերով օգտագործվել է իր ուժեղ հակաբորբոքային, ինչպես հակադեպրեսանտ  հատկության համար: Այն օգնում է նվազեցնել բորբոքումը, բարելավում է արյան շրջանառությունն ու կարգավորում շաքարի պարունակությունն արյան մեջ, որոնք ևս սթրեսի նշաններ են:

Տերևաշատ բանջարեղեն: Այս շարքին են պատկանում բրոկոլին, ծաղկակաղամբը, կաղամբը, գանգրակաղամբը, չինական կաղամբը և ծովաբողկը, որոնք հարուստ են ծծմբային պարունակությամբ, որը խթանում է քաղցկեղի զարգացումը կանխող ֆերմենտների արտադրությունը:

Յուղոտ ձուկը: Այս տեսակի բոլոր ձկները, ինչպիսին են սարդինան, սաղմոնը, կարմրախայտը հարուստ են օմեգա-3 ճարպաթթուներով, ցինկով և մագնեզիումով և արդյունավետ են ուղեղի աշխատանքը բարելավելու համար: 

Երիցուկ: Երիցուկի թեյն օգնում է ձերբազատվել անքնությունից, լարվածությունից, ստամոքսի խնդիրներից և հանգստացնում է նյարդերը:

Շոկոլադ: Օրական 40 գրամ սև շոկոլադը կօգնի ձերբազատվել սթրեսից:

Ընկուզեղեն:  Այն հարուստ է B  վիտամինով, ցինկով, մագնեզիումով և օմեգա-3 ճարպաթթուներով, կարգավորում են նյութափոխանակությունն ու կարգավորում շաքարի մակարդակն արյան մեջ:

Ձիթապտղի յուղ: Միջերկրածովյան սննդակարգի մաս կազմող յուղը կանխում է  ընկճախտը և վերցնում բորբոքվածությունը:

Հատապտուղներ: Հատապտուղները հարուստ են հակաօքսիդանտներով և խթանում են ուղեղի աշխատանքն ու արյան շրջանառությունը: