Խորվաթիան պատրաստ է թույլ տալ փախստականների տեղաշարժն իր տարածքով
Խորվաթիայի իշխանությունները փախստականների ճգնաժամի իրավիճակի ֆոնին պատրաստակամություն են հայտնել իրենց տարածքը տրամադրել ներգաղթյալներին` Արևմտյան Եվրոպա հասնելու համար։
Ինչպես նշում է gazeta.ru-ն, այս մասին հայտարարել է Խորվաթիայի վարչապետ Զորան Միլանովիչը։
«Խորվաթիան միանգամայն պատրաստ է ընդունել և ուղղորդել այդ մարդկանց այնտեղ, որտեղ նրանք ցանկանում են հայտնվել: Ենթադրում եմ, որ նրանց նպատակակետն են Գերմանիան ու սկանդինավյան երկրները»,-նշել է պաշտոնյան։
Ինչպես ավելի վաղ հայտնել էր tert.am-ը, Հունգարիայի փոխարեն, որը խստացրել է իր սահմանների պահպանությունը, փախստականները Սերբիայի տարածքով շարժվել են դեպի Խորվաթիա:
«Մոտ տասնյակ ավտոբուսներ Սերբիայի տարածքով շարժվում են դեպի Շիդ քաղաք՝ Խորվաթիայի հետ սահմանին։ Նրանց վարորդներն իշխանություններից հանձնարարություն են ստացել շարժվել առանց կանգառների»,- հայտնել էր հունգարական M1 ալիքը։










