Սլովենիան պատրաստ է անհրաժեշտության դեպքում մինչև 10.000 փախստական ընդունել
Սլովենիան պատրաստ է անհրաժեշտության դեպքում մինչև 10.000 փախստական ընդունել։
Այդ մասին գերմանական Rheinische Post թերթին տված հարցազրույցում հայտարարել է Գերմանիայում Սլովենիայի դեսպան Մարթա Կոս Մարկոն, փոխանցոււմ է «Ինտերֆաքս» գործակալությունը։
«Եթե ներգաղթյալները մեզ փախստականի կարգավիճակ ստանալու հայտ ներկայացնեն, մենք նրանց կընդունենք ու կպաշտպանենք։ Մենք ի վիճակի ենք տեղավորել նրանց՝ կարող ենք ընդունել մինչև 10.000 փախստական»,- ասել է դեսպանը։
Կոս Մարկոն հավելել է, որ Հունգարիայի կողմից սահմանային պահպանության խստացումից հետո, Սլովենիան ներգաղթյալների հոսքի ավելացում է ակնկալում։ «Դեռ դժվար է ասել՝ թիվը որքան կլինի։ Հնարավոր է՝ օրական 1000-2000»,- ենթադրել է նա։










