ԻՊ-ի զինյալները Սիրիայում կառավարական զորքերի 56 զինվորի են սպանել

19:59 • 19.09.15

Սիրիայում  իսլամիստ ապստամբները իրենց զավթած Աբու-ազ-Զուհուր ավիաբազայում տեղի ունեցած հրաձգության ժամանակ  սիրիական կառավարական զինուժի 56 ներկայացուցչի են սպանել:
Ինչպես տեղեկացնում է BBC-ն` երկրի հյուսիս-արևմուտքում գտնվող ավիաբազան «Իսլամական պետություն» խմբավորման զինյալները գրավել են այս ամիս:


Բրիտանիայում գործող Մարդու իրավունքների դիտարկման սիրիական կենտրոնն ականատեսների հայտարարությունների հիման վրա տեղեկացրել է, որ Իդլիբ նահանգի ավիաբազայում տեղի ունեցած զանգվածային սպանությունը տեղի է ունեցել օրեր առաջ: