Մովսիսյանը բաց է թողնելու նաև Վոլգայի հետ հանդիպումը

23:53 • 22.09.15

 Մոսկվայի «Սպարտակը» սեպտեմբերի 23-ին մրցելու է Նիժնի Նովգորոդի «Վոլգայի» հետ Ռուսաստանի գավաթի խաղարկության 1/8 եզրափակչում:

 

Ինչպես հաղորդում է մոսկովյան ակումբի պաշտոնական կայքը, hայ ֆուտբոլիստը վնասվածքներ ունեցող Վլադիմիր Գրանատի եւ Ժանո Անանիձեի հետ մնալու է Մոսկվայում՝ շարունակելով ապաքինումը:

 

Խաղի հայտացուցակում ընդգրկվել է Արաս Օզբիլիսը: Հավանականությունը մեծ է, որ Օզբիլիսը «Վոլգայի» հետ խաղին կլինի մեկնարկային կազմում:

 

Հիշեցնենք, որ Մովսիսյանը ազդրի վնասվածք է ստացել մեկ շաբաթ առաջ «Ռոստովի» հետ կայացած խաղում, որից հետո բաց է թողել «Կուբանի» հետ հանդիպումը: